LEGAZPI CITY-Ipighayag ni DTI Sec. Maria Christina Roque na wara pang nareresibing report an Department of Trade and Industry (DTI) mapadapit sa hoarding o profiteering sa mga pangenot na barakalon.
Segun sa kalihim na urualdaw an pigsasagibong monitoring kan ahensya sa paagi kan saindang 18 regional offices ngani masierto na warang iligal na paglangkaw sa presyo kan mga basic necessities asin prime commodities.
Ipigsugo man ni President Ferdinand Marcos Jr. an pagkakaigwa nin pirmihang komunikasyon sa mga manufacturers ngani masierto an bastanteng suplay nin pagkakan.
Sinabi pa niya na nakapag-ikot sinda sa mga grocery asin manufacturing plants na kayang makaabot an suplay sa laog nin sarong bulan o labi pa, kaiba an mga basic necessities asin prime commodities na nasa DTI controlled list.
