Legazpi City- Padagos an ginigibong monitoring kan Department of Trade and Industry Bicol sa mga presyuhan kan mga produkto para sa paparaning Undas.
Sa intrevista kan Bombo Radyo Legazpi kay Ruben Sombon an Consumers Protection head kan DTI Bicol, nanutaran an kadiit na paglangkaw sa presyo kan mga kandila sa Bicol.
Naglangkaw nin haros 5 centavos an kantidad kan nagkapirang produkto para sa Undas.
Nagkapirang factor na naiiling kan ahensya an kompitisyon sa paghatak nin mga parabakal.
Mientras tanto apektado man kan nakalihis na kalamidad sa presyuhan kan burak sa rehiyon.
Dakula man an pasasalamat kan opisyal na nakaka-agi na an mga delivery kan mga burak asin maging iba pang produkto pang-Undas makalihis na haros sarong semana na naantala an byahe kan mga delivery huli sa baha.
Liwat man na nagpagirumdom an ahensya na maging alerto man sa presyuhan kan mga binabakal para sa Undas.
Pinag- inganyar man kan opisyal an publiko na magsagibo nin mga DIY o Do it Yourself decoration nin mga burak para makatipid sa gagastuson sa pagbisita sa saindang mga namaaram na kapamilya asin mahal sa buhay.
