LEGAZPI CITY- Liwat na tinawang-duon kan Department of Trade and Industry (DTI) Albay na warang significant na pagsakat sa presyo kan basic and prime commodities sa provincia katakod kan ipinapaotob na price freeze huli sa pagdi-deklarar kan State of Calamity.
Segun ki DTI Albay Dir. Josie Aguilar, nagkaigwa nin paglangkaw sa nagkapirang produkto alagad puon piso hasta dos sana man.
Sa ibong na lado, nanotaran an dugang sa presyo kan nagkapirang agricultural products alagad bako naman suboot ini sakop kan DTI.
Mientras tanto, naglilibot man an DTI sa paagi kan ‘Diskwento Caravan’ sa nagkapirang banwaan na apektado kan Mayon activity tangarig na mag-ofrecir nin mga baratong produkto.
Enot nang dinumanan kan ahensya an Brgy. Bariw, siring man an banwaan kan Malilipot asin nakatalaan na magpasiring ngonian na semana sa Brgy. Mauraro sa banwaan kan Guinobatan.
Afuera sa nasabing programa, nagpapadagos man an ipigsasagibong skills training sa mga piling evacuation centers na nagtataong-oportunidad sa mga residente sa mapaglilibangan na may balik na ganansya.
