LEGAZPI CITY-Nangangaipohan ngonian an Department of Trade and Industry (DTI) nin mas dakulang pondo na nagsusuporta sa micro, small and medium enterprises (MSME).
Sinabi ni Trade Secretary Ma. Cristina Roque, na importante an pagkakaigwa nin pondo ngani magkaigwa nin puhunan an mga saradit na negosyante.
Aminado man an kalihim na kadakol nin mga saradit nanegosyante an igwang produkto alagad wara sinda nin kakayahan para sa pag-promote kaini.
Huli digdi mahagad siya sa kongreso nin P10 bilyon na pondo para matupad an nasabing pagpaplano.
