LEGAZPI CITY — Maduong pinahimutikan kan Department of Social Welfare and Development (DSWD) na dae ninda pig-aako sa pagpapalista para sa educational assistance na saindang ipig-oopresir an mga estudyante hali sa Bicol University.
Segun ki Jindra Mingoy, Social Welfare Assistant IV open an asistensya para sa gabos asin wara sindang pigpipili.
Dugang pa kaini na wara man suboot na nakaka abot saindang impormasyon dapit sa nasambitan na aksusyon.
Mientrastanto, pigbuyagyag kaini na igwa sanang 300 na slot sa kada munisipyo huli ta limitado man sana an fondo kan ahensya kaya firs come fors serve an sindang pinagigibo.
Inako man kaini a pano na an slot sa nagkapirang mga munisipyo siring na sana kan sa Daraga, Tiwi, Bacacay asin Legazpi City.
Sa ngunyan an wara pa suboot sindang impormasyon kun igwa pang mga bakante sa iba pang banwaan.
Klinaro man kan opisyal na an 300 na nakalista an ipapadara sa DSWD ngani na mahiling kun siisay an makakakua kan asistensya asin makapagtao na nin schedule sa interview asin assesment kan mga ini.
Nangapudan man ni Mingoy na kinakaipuhan na saro sana sa kada pamilya an magpalista ngani na matawan man nin tsana an ibang mga nangangaipo.
