Magtetenir na alerto an Department of Social Welfare and Development (DSWD) ngonian na Semana Santa.
Ini an sa ibong kan deklarasyon kan Abril 2 asin 3 bilang regular holidays, asin an Abril 4 bilang sarong special non-working day, base sa probisyon kan Proclamation No. 1006, s. 2025.
Segun sa DSWD, pigbugtak na sa high alert an ahensya asin magtetenir na arog kaini sa kabilugan kan Semana Santa nganing makatabang sa pagmantenir kan seguridad kan publiko asin makatabang sa mga emergency situation.
Tinawan duon kan ahensya na matenidong bukas asin preparado an DSWD Disaster Response Management Bureau asin Disaster Response Command Center, gamit an skeletal workforce para sa tulos na pagresponde sa anuman na emerhensya.
Pigsyerto man kan ahensya an supisyenteng stock kan family food packs, mga non-food items, asin pondo na handa nang ipanao sa anuman na oras nin emerhensya, mantang nasa kasagsagan kan pagromdom kan Semana Santa.
Pigpapabantayan man ni DSWD Sec. Rex Gatchalian sa mga regional offices kan ahensya an sitwasyon sa lambang rehiyon, probinsya, asin munisipyo, asin syertuhon an preparasyon sa pagresponde sa anuman na kalamidad.
Mawot kan social welfare department an zero-casualty sa kabilugan kan Semana Santa.
 will remain alert this Easter. This is despite the declaration of April 2 and 3 as regular holidays, and April 4 as a special non-working day, based on the provisions of Proclamation No. 1006, p. 2025.){kind=link}