Tinabangan na kan Department of Social Welfare and Development (DSWD) an babaeng luminuwas sa imbornal sa Makati City makalihis gibuhong ini bilang harong.
Binisto an babae bilang si Rose asin segun kay DSWD Secretary Rex Gatchalian, tatawan si Rose nin P80,000 na tabang nganing makapagpoon kan sadiri niyang tindahan, alinsunod sa saiyang pangarap.
Kaiba man sa plano ang pagsuporta sa saiyang partner na si Jerome, na tatao mag-welding.
Posibleng matawan siya nin training asin welding machine nganing magkaigwa sinda nin mas matatag na kabuhayan.
Naglibot man an kalihim sa mga kakalsadahan sa Makati nganing mag pa-abot nin tabang sa iba pang mga warang istaran asin enganyaron sindang magbale sa ‘Pag-abot Shelter,’ sarong programa kan DSWD para sa mga taong nasa kakalsadahan.
Nagpromesa si Rose na tatabangan niya an ahensya sa pag-enganyar sa iba na magpasiring sa shelter nganing matawan nin tabang.
Magigirumdumang nakaguno nin reaksyon si Rose makalihis makuwaan nin video na nagluwas sa imburnal.
Nilinaw niyang dae siya duman naka-istar asin naglaog sana sa imburnal nganing kuwaon an sarong nahulog na cutter blade.
Dating nangungupahan sinda Rose asin Jerome sa Pasong Tamo, Makati.
 has already helped a woman who came out of a sewer in Makati City after turning it into a house.){kind=link}