LEGAZPI CITY- Pighahanda na kan Philippine Drug Enforcement Agency (PDEA) an magkakanigong kasong kakahampangon kan sarong persona makalihis na makuhaan nin milyon-milyong kantidad kan pigtutubudang shabu sa isinagibong buy-bust operation sa Brgy. Puro sa ciudad kan Legazpi.
Inaprehender kan mga operatiba si Benedict Oliveros, 18-anyos na residente kan Brgy. San Isidro, Pili, Camarines Sur makalihis na magpositibo an ikinasang transaksyon kontra digdi.
Sa intrevista kan Bombo Radyo Legazpi ki PDEA Bicol Director Christian Frivaldo, nagkagat si Oliveros tangarig na magpabakal nin duwang sachet kan nasabing substance sa sarong asset.
Kan magkaribayan na kan buy-bust money asin mga kontrabando na may gabat na 500 kilos katampad an market value na P3.4 million, digdi na nagluwas an mga operatiba tangarig na dakupon an subject.
Afuera sa nasabing mga bagay, narekober man sa posisyon ni Oliveros an sarong yu
nit kan cellphone, nasa P257 na kwarta sa manlain-lain na denominasyon asin iba pang non-drug paraphernalia.
Mientras tanto, ipigkokonsiderar man na dakulang trayumpo kan PDEA Bicol asin Albay, National Bureau of Investigation (NBI) Legazpi asin Legazpi City Police an operasyon.
