Ikinadagit ni Department of Public Works and Highways (DPWH) Secretary Vince Dizon an saiyang nadiskubre na mga materyales na “super substandard” sa sarong proyekto para sa flood control sa La Union.
Sa isinagibong inspeksyon sa Barangay Acao, Bauang, kaiba si Baguio City Mayor asin ICI Adviser Benjamin Magalong, personal na nasaksihan ni Secretary Dizon an mga kapalpakan sa proyekto.
Nadiskubre ni Dizon na an proyektong dapat kuta an tapos na an dae pa man kumpleto, kabaliktaran sa report na ini an “completed” na kan Marso.
Nagpapahiling man ini nin dakulang pagkakaiba sa pagultangan kan aktuwal na estado kan proyekto asin kan opisyal na report na isinumiter.
Dae nagduwa-duwa si Secretary Dizon na apodon na “props” sana an saiyang nahiling, huli ta sa saiyang obserbasyon, garo baga pinagsararo sana an proyecto asin dae man talaga nagibo nin maray.
An nasabing paglibot asin inspeksyon susog sa direktang kasuguan ni Presidente Ferdinand R. Marcos Jr. na personal na masyerto na an gabos na proyekto kan DPWH para sa pagpugol sa baha o flood mitigation an piggigibo nin tama asin nagsusunod sa mga pamantayan.
 Secretary Vince Dizon cited his discovery of “super substandard” materials in a flood control project in La Union.){kind=link}