LEGAZPI CITY-Inagyat ni Senate Minority Leader Alan Peter Cayetano si Department of Health Secretary Teodoro Herbosa na magdemitir sa puwesto kun kaya niyang tapuson an cost analysis kan 160 hospitals sa laog nin sarong semana.
Naguyon man si Health Secretary Herbosa sa angat ni Cayetano durante kan budget deliberations sa 2026 budget proposal kan DOH, kun sain pigsuspinder an regulasyin ngani direktang makwestyun kan senador an kalihim.
Pigtuyaw man ni Cayetano si Herbosa sa mga outdated asin unfair case rates kan PhilHealth, na pitong taon nang dae na-update.
Huli digdi, dai suboot nasasabutan kan mga mga pasyente an hospital billing maski pirming nag-aanunsyo an DOH nin “zero billing,” na bako man talaga suboot zero huli sa kadakol pang mga dapat bayadan.
Ipinaliwanag man ni Herbosa na an zero billing para sana sa mga indigent patients sa mga basic o charity wards, asin natural na an mga nasa pay o private wards na igwang babayadan giraray, maski pa naghalangkaw suboot an case rates para sa nagkapirang common diseases.
Kasunod kaini, nasuspendir muna an deliberasyon sa budget para sa Department of Health.
