LEGAZPI CITY- Nagpatanid sa publiko an Department of Health (DOH) Bicol dapit sa pag-inom nin antibiotics.
Sigon sa ahensya, pwedesir ining magkawsa nin Anti-Microbial Resistance (AMR) kun sain dae na nagigin epektibo an bulong na pig-iinom huli ta nagkaigwa na nin kakayanan an mikrobyo na protihiran an sadiri kontra sa antibiotics.
Nangyayari suboot ini tuyong nagsasagibo nin self-medication, bako base sa reseta an pag-inom kan bulong asin paggamit kaini sa simple sanang sipon asin abo.
Dugang pa kaini, nakukua an mikrobyo sa ibang tawo, hayop, pag-langhap, pagkaon asin inumon, asin insekto.
Payo kan ahensya na ibitaran an pag-inom nin antibiotics na dae nin reseta gikan sa doktor ngani na maibitaran an AMR na pwedesir na magin kawsa nin iba pang helang arog kan Tuberculosis.
