LEGAZPI CITY-Ipigbusol kan Department of Finance (DOF) an pag-publish nin graphic warnings ngani mabantayan an peligrong hatod kan labing pagkonsumo sa online gambling.
Segun ki Department of Finance Director Maria Karla Espinosa na pigbubusol na ini makalihis an pagdangog sa House Committee on Games and Amusements mapadapit sa pagbabawal o pag-regulate kan online gambling.
Dugang pa ni Espinosa na sa enot na pag-analisar, igwang potensyal na benepisyo sa ekonomiya an online gambling kun kaya dapat na magkaigwa na nin mga regulasyon mapadapit sa paggamit kaini.
Pig-iimplementar man suboot an robust safeguard kaiba na an pag-display nin mga graphic warning signs mapadapit sa adiksyon sa pagsusugal, mga striktong lakdang para sa mga menor de edad na nagagamit kaini, magin an limitadong pagbabayad na posible suboot na makatabang sa pag menus kan online gambling addiction.
