LEGAZPI CITY – Nagkondusir an Department of Energy (DOE) nin workshop para sa electric cooperatives sa Bicol haros duwang bulan makalihis madanyaran kan bagyong Nina an imprastraktura kan elektrisidad sa rehiyon.
Kasabay sa mga nagpartisipar an mga representantes hale sa Albay Power Energy Corp. (APEC), Camarines Norte Electric Cooperative (CANORECO), Camarines Sur I, II, III and IV Electric Cooperatives (CASURECO I, II, III & IV), First Catanduanes Electric Cooperative (FICELCO), Sorsogon I and II Electric Cooperative (SORECO I & II), asin an Ticao Island Electric Cooperative (TISELCO).
Segun ki DOE spokesman Undersecretary Wimpy Fuentebella, kaipuhan an epektibo asin standardized na disaster-risk response and management protocol kasunod kan saindang obserbasyon asin eksperyensya hale sa bagyong Nina.
Dugang pa ni Fuentebella, pighiling ni Energy Secretary Alfonso Cusi an workshop bilang sarong policy research para sa departamento sa pag-upgrade kan saindang Disaster-Risk Response and Management Protocol.
Pighayag pa suboot kan sekretaryo na kaipuhan an “safety precautions” durante kan rehabilitasyon kan naapekatarang power facilities.
