LEGAZPI CITY-Nagpatanid an Department of Energy (DOE) sa mga gasolinahan na ma-implementar nin ‘advance price hikes’ sa saindang kanya-kanyang produktong krudo asin gasolina.
Segun sa DOE, pwedisir magmulta an mga oil companies asin retailers na tulos na nag-iimplementar nin taas-presyo na warang anunsyo hali sa saindang opisina.
Kasunod kaini, nangapudan man an DOE sa mga law enforcement agencies arog kan Philippine National Police (PNP) na pakusugon asin ipaotob an saindang price monitoring ngani maibitaran an profiteering asin pananamantala kan nagkapirang mga gas stations.
Nakikipagkoordinar na man an saindang ahensya sa mga kapulisan sa pagkondusir nin inspeksyon sa mga gasolinahan sa bilog na nacion ngani masierto na warang nagbabalgar sa nasabing polisiya.
Mientrastanto, pigsierto kan ahensya na magtetenir sindang vigilante asin magkokondusir nin price monitoring ngani maprotehiran an mga konsumidores asin masierto an patas na presyo sa merkado para sa mga Pilipino.
