LEGAZPI CITY-Naglalaom an Department of Energy (DOE) na magpapadagos an pagbaba kan presyo kan langis kasunod kan peace deal sa pagultanan kan Amerika asin Iran, na opisyal nang pipirmahan ngonian na semana.
Segun kay Energy Secretary Sharon Garin, naglalaom sinda na tuluyang maseselyuhan an kasunduan sa Biyernes.
Nai-report man ni Energy USec. Sandy Sales na nagbaba an presyo kan langis sa P80 per liter level poon sa labi P120 kada litro makalihis tumama an krisis sa Middle East.
Sinabi pa niya na sa nakalihis na rollback sa presyo kan langis, naglaom an pankinabang merkado sa resulta kan peace deal.
Naglalaom an opisyales kan ahensya sa pagbaba kan presyo, alagad posible suboot na abuton ini nin anom na bulan hasta sarong taon, huli sa danyos na winalat sa manlain-lain na oil storage asin production facilities sa Middle East.
