Nagbilog si DPWH Secretary Vince Dizon nin Technical Working Group (TWG) na iyo an marepaso kan gabos na flood control projects bago ini pondohan asin iimplementar sa 2027.
Kabale sa grupo sinda DENR Undersecretary Carlos Primo David, flood control expert Guillermo Tabios III, asin Project NOAH Executive Director Mahar Lagmay.
Obheto kan TWG na maibitaran an mga proyektong warang magkakanigong engineering plans, na pigkokonsidera ni Dizon na saro sa mga rason kan padagos na pagbaha sa nasyon.
Nagsugo si Presidente Ferdinand Marcos Jr. nin suspensyon sa gabos na locally funded flood control projects sa 2026 mantang piglilinig kan DPWH an mga isyu kan korapsyon asin inefficiency.
Matabang man an TWG sa pagbilog kan 2027 budget plan kan DPWH asin sa pag-identify kan mga estraktura na dapat gabaon kun mas nagpapalala pa kan pagbaha.
 that will review all flood control projects before they are funded and implemented in 2027.){kind=link}