LEGAZPI CITY—Katakod kan pag-obserbar kan 18-Day Campaign to End Violence Against Women 2025 liwat na nagpagiromdom an grupong Gabriela mapadapit sa mga direchos kan kababaihan sa komunidad.
Segun ki Bicolana Gabriela Regional Coordinator Nica Ombao, sa intrevista kan Bombo Radyo Legazpi, na padagos dapat na pag-adalan an mga direchos na igwa an mga babae asin aramon kun pano maprotehiran an saindang mga sadiri asin mga aki kontra sa mga pang-aabuso.
Siring man na padagos na ipangapodan an pagpapanimbag sa mga nagkukurakot sa kan pondo sa banwaan huli sa bako sana flood control an pig-oolayan pag-abot sa kurapsyon kundi magin an iba pang aspeto nin serbisyo publiko.
Bako sana suboot infrastructure project an naapektaran kundi pati an implementasyon kan mga ley na dapat na nagpoprotehir sa kababaihan asin kajovenesan.
Tinawan-doon man kan opisyal na dae pinili kan mga naka-eksperyensya nin pang-aabuso na sinda an maabuso.
Naglalaom si Ombao na suportaran, tawan giya, asin pangatamanan an mga kababaihan, kajovenesan, asin LGBTQ+ na nakaka-eksperyensya nin mga pang-aabuso.
