LEGAZPI CITY—Ipigdoon kan sarong propesor na an mga lakdang siring kan paggibo nin mga caricature o magin an AI-generated video kan China na naglaladawan sa mga Pilipino bilang mga unggoy katakod kan 2016 South China Sea Arbitral Award an may epekto sa diplomatikong relasyon kan duwang nacion.
Segun ki Bicol University Peace Studies Professor Dr. Herbert Rosana, sa intrevista kan Bombo Radyo Legazpi, napakaimportante pag-abot sa diplomasya an pag-obserbar kan protocol — huli sa sarong pagkasala digdi an pwedesir na makapag-offend nin mga namamanwaan o mga lideres kan sarong nacion.
May epekto suboot ini sa magigin patakaran o sa relasyon kan duwang nacion, kaya nag-iingat an ibang nacion sa saindang pagtaram.
Dugang ni Dr. Rosana na huli sa kadaklan kan mass media sa China an pagrugaring kan gobierno, kun kaya ano man an ipaluwas sa saindang mga editoryal an iyo an opisyal na ekspresyon kan gobierno sa ibang nacion.
Tinawan-doon kaini na kaipuhan na mag-strategize kan gobierno kan Pilipinas pag-abot sa komunikasyon huli sa ini an sarong klase nin ‘art’ kaya kinakaipuhan na mabilog an communication techniques nganing masimbagan an naratibo kan kalaban kan gobierno.
Segun saiya na mas maray nang dae maggibo nin siring na lakdang huli sa gari magigin cycle ini o pauro-utro, alagad an pinakamagayon na response an maggibo nin bagay na informative asin naco-counter an naratibo kan kaiwal sa paagi nin legal means.
