LEGAZPI CITY- Nagdagsa an mga deboto sa mga simbahan sa ciudad kan Legazpi katakod kan Ash Wednesday.
Segun ki Diocese of Legazpi Spokesperson Father Gem Penetrante sa intrevista kan Bombo Radyo Legazpi na nagpuon na an panahon kwaresma.
Ini an nasa 40 aldaw na paghahanda pasiring sa Semana Santa kun sain pigrurumdom an Kagurangnan antes an pagpupuon kan saiyang public ministry.
Sa nasabing panahon kan Ash Wednesday, nagpupuon man an pagpapangadyi, pag-aayuno asin pagibo nin karahayan sa kapwa.
Nagtutubod si Father Penetrante na sa paagi kan pag-aayuno, nadidisiplina man an hawak kan mga namamanwaan sa nasabing panahon.
Pinag-aantisiparan man na sa bilog na aldaw, mas dakol pang mga deboto an masimba ngani na tawan importansya an espesyal na aldaw na Ash Wednesday.
