Sienerto kan Department of the Interior and Local Government (DILG) na malabong mangyari sa Pilipinas an marahas na kilos-protesta siring kan nangyayari sa Nepal asin Indonesia, katakod kan mga isyung may kinaaraman sa korapsyon.
Segun ki DILG Secretary Jonvic Remulla, mantang preparado an gobierno sa anumang senaryo, bako suboot ugali kan mga Pilipino an magraot o magsulo nin mga edificion sa tahaw kan protesta.
Katakod kaini nagpa-apod na nin command conference an DILG nganing ipreparar an mga contingency plans en kaso magkaigwa nin mga mahewasang protesta laban sa korapsyon, kasunod kan mga nangyayari sa ibang nacion.
Dugang pa kan kalihim, nasa maximum tolerance an pulisya asin pigpapagiromdoman na magin mahinahon asin irespeto an karapatan kan mga raliyista.
Mientrastanto, sinabi ni PNP acting chief Lt. Gen. Jose Melencio Nartatez Jr. na may nakahanda nang security plan para sa crowd control asin dispersal kun kinakaipuhan.
Ngunyan na aldaw, Setyembre 11, nagkapirang grupo siring kan Tindig Pilipinas, Nagkaisa, Kalipunan ng Kilusang Masa, asin Siklab an nagkundusir nin kilos-protesta sa EDSA Shrine nganing ikondena an suboot korapsyon sa flood control projects.
 has assured that violent protest actions like those occurring in Nepal and Indonesia, related to issues related to corruption, are unlikely to occur in the Philippines.){kind=link}