LEGAZPI CITY-Pigkokonsiderang sangatan nin kasong human trafficking si dating Negros Oriental Rep. Jacinto “Jing” Paras huli sa alegasyon kan “honey trap” scheme na target si Executive Secretary Ralph Recto.
Segun kay Department of Interior and Local Government (DILG) Secretary Jonvic Remulla, na nagkapirang mga opisyal pa kan gobierno an target pa sa nasabing modus.
Kaibanan suboot digdi an tugang ni Ombudsman Jesus Remulla asin Public Works Secretary Vince Dizon.
Nagtutubod si Remulla na posibleng si Paras an mastermind kan nasabing modus asin siya an suboot nagko-konekta sa
tinaguriang bugaw.
Pignegaran man ini kan abogado kan dating mambabatas na si Atty. Mark Tolentino kun sain nangapudan ini kay Remulla na magluwas nin matibay na ebidensiya.
