Nangapudan an Digital Pinoys nin imbestigasyon sa suboot dai awtorisadong pag-access asin pagkuwa nin mga dokumento hale sa DPWH.
Segun ki Digital Pinoys National Campaigner Ronald Gustilo, makahandal an report manungod sa pagkopya asin pagtanggal kan mga file ni Rep. Leandro Leviste sa opisina ni dating Undersecretary Catalina Cabral.
Sinabi niya na an mga file kan gobyerno igwa nin malinaw na sistema nin pag-ataman asin paninimbagan na dai dapat paglampasan.
An laban suboot sa korapsyon dapat na magpakusog kan mga institusyon asin bako an kawsa kan saindang pagkaraot.
Dugang pa kaini na kun makompromiso an paagi nin pagkuwa nin ebidensya, posibleng mawaran ini nin balido sa legal na proseso.
Liwat na pig-utro kan Digital Pinoys na an transparency asin accountability dapat na i-promote sa laog kan ley asin due process.
