Nagpatanid an Department of Information and Communications Technology (DICT) laban sa sarong klase nin cyberattack na pig-aapod na Distributed Denial of Service (DDoS) sa Miyerkules, Nobyembre 5.
Susog sa ahensya na naka-monitor sinda sa posibleng DDoS e o “traffic flood”, na DoS attack na pig-target an mga web server.
Paliwanag kaini an DDoS an gari traffic jam sa internet kun saen sabay-sabay an mga hacker na nagpoporbar na maglaog sa sarong website o app.
Huli kaini, sinabi kan DICT na pwedesir magbantol o dae tulos mag-load an pirang websites o apps. Bako man suboot ini data breach asin warang mahahabong na personal accounts, data o kwarta.
Abiso kan ahensya na magkalma asin an dapat na gibohon an magporbar na sana giraray makalihis an pirang minuto, gamiton an official app o status page asin sundan an verified updates.
Nagpatanid man an ahensya na dae mag-intra sa illegal online activities.
