Mahigpit na pigbabantayan kan Department of Foreign Affairs (DFA) an sitwasyon sa Venezuela katakod kan mahiwas na pag-atake kan Estados Unidos.
Nangapodan man an Pilipinas sa gabos na imbwelto na lado nin pagpugol o pagtimpi asin ayuson an alitan sa matuninong na paagi nganing malikayan an paglala kan tensyon.
Pigsierto kan DFA na handa an Embahada kan Pilipinas sa Bogotá, Colombia na nagseserbing non-resident mission para sa Venezuela na magtabang sa mga Pilipino duman.
Nagpaluwas man nin travel and safety advisory an embahada, na naghahagad sa mga Pilipino na magtir na alerto, updated, asin mantiniron an mga emergency contacts.
Sa presente, nakapagrehistro an DFA nin 74 na Pilipino sa Venezuela.
Ginibo kan ahensya an pahayag kasunod kan pag-atake kan Estados Unidos sa kabisera kan Venezuela kan Sabado na nagresulta sa pagkadakop ni Venezuelan President Nicolas Maduro asin First Lady Cilia Flores.
Dinara si Maduro sa Estados Unidos nganing hampangon an mga kaso laban saiya kabali an narco-terrorism conspiracy, na maigot niyang pignegaran, kaiba an pahayag na an US na tuyo sana na kontrolon an langis kan Venezuela.
 is closely monitoring the situation in Venezuela following the massive US attack.){kind=link}