Sinabi ni Department of Economy, Planning, and Development Secretary Arsenio Balisacan na posibleg mawaran nin labi sa P226 billion
hanggang P232 billion an ekonomiya kan Pilipinas kun ipapaotob an deployment ban kan Overseas Filipino Worker (OFW) sa Middle East.
Segun sa opisyal na mangyayari an pagkawara kan nasabing kantidad kun enkasong ma-repatriate o mapauli an poco mas o menos 550,000 Pilipino na presenteng nagtatrabaho sa rehiyon.
An nasabing kantidad an katumbas nin haros 65% kan remittances o kwarta na pigpapadara kan mga OFW hali sa Middle East pasiring sa Pilipinas.
Huli digdi, dakula an magigin epekto kaini bako sana sa mga obrerong Pilipino kundi magin sa kabilugan kan ekonomiya kan nacion.
Basado sa datos kan Department of Foreign Affairs, igwang pigkakarkulo na 2.41 milyong Pilipino na nagtatrabaho sa manlain lain na nacion sa Middle East.
Tinawan duon ni Balisacan na an anuman na lakdang na paglimita sa deployment kan mga OFW sa Middle East an igwang dakulang epekto sa remittances asin ekonomiya kan Pilipinas.
