LEGAZPI CITY – Kinumpirmar kan Department of Education Regional Office 5 na dae pan ipigbabawal an pagkakaigwa nin field trips sa mga eskwelahan huli ta parte man suboot ini kan learning process kan mga kaakian./
Segun ki May Flor Jumamil, DepEd Public Information Officer, pigmi sanang nagpapagirumdom an ahensya na bako mandatory an siring na mga aktibidad asin dae ini pwedsir na gibuhon na requirement ngani na makapag comply sa anuman na subject.
Pigduon man kan opisyal na kinakaipuhan na siyertuhon an seguridad kan mga estudyante asin an mga lunadan an dapat na naga-asigurar nin safety kan mga aki.
Dugang pa ni Jumamil, pigtutugutan man an pagkakaigwa nin mga waiver alagad kinakaipuhan ining mag-agi sa school head asin dapat na aprubado kan mga magurang sa paagi kan PTA.
Mientrastanto, pigpayuhan man kaini an publiko kan tulos na ipaaram sa pamayo kan eskwelahan kun igwang mga maestra na pigtatakot an mga estudyante na dae ipapasar kun dae mabali sa nasambitan na mga field trips.
