Binisita ni Education Secretary Sonny Angara an Pag asa Island para manao nin mga laptop asin iba pang mga school supplies.
Nag-abot man sa 15 mga laptop an naipanao sa mga paratukdo kan Pag asa Integrated School kaibanan an 43 na football asin 109 na school bags sa ingwang laog na mga gamit sa pageskwela.
Segun kay Angara sa paagi kan mga gamit na itinao kan ahensya ay naglalaom ini na mabawasan na an workload kan mga paratukdo asin mabuksan an potensyal kan mga estudyante.
Apwera sa pananao nin mga gamit sa eskwekahan, nagsagibo man nin konsultasyon si Angara asin an iba pang mga opisyal kan DepEd sa mga paratukdo, magurang , asin mga lokal na lider para masimbagan an mga angat sa pagtataong edukasyon sa lugar.
Mientras tanto pinag-orulayan man an mga potensyal na solusyon para maparahay an kamugtakan kan pamumuhay sa isla.
Kaibanan sanadiskuter an mga inisyatibo sa pabahay asin mga serbisyo sa transportasyon para sa mga residente.
