Pigsugo kan Department of Education (DepEd) an gabos kaining regional asin division offices na magsumiter nin detalyadong report sa suboot dae pa tapos o ‘ghost’ school buildings.
Sa sarong memorandum, nagpagirumdom si Assistant Secretary for Human Resource and Organizational Development and Education Facilities Division Aurelio Paulo Bartolome sa mga opisina sa field offices nganing maseguro an transparency kasunod kan mga iregularidad na nakuwa sa pagtugdok nin mga eskwelahan.
Katakod kaini, an mga regional director, schools division superintendent, district supervisor, asin DepEd engineers pigsugo na mag-identify asin mag-report nin mga anomalyang kaso arog kan haloy nang napundong konstruksyon, bakong kompletong delivery, asin structural defects.
Apwera digdi, nangapudan man an ahensya na makipagkoordinar sa Department of Public Works and Highways (DPWH) para sa records kan mga school buildings na itinogdok sa irarom kan saindang hurisdiksyon.
An naunambitang mga report dapat na isumitir sa laog nin 15 working days.
 has ordered all its regional and division offices to submit detailed reports on alleged unfinished or ‘ghost’ school buildings.){kind=link}