Pinangenotan ni Education Sec. Sonny Angara, kaiba an Khan Academy Philippines asin si Chief Operating Officer Myrish Antonio sa pagbisita sa Fernando Ma. Guerrero Elementary School sa Paco, Manila tanganing obserbaran an Khan Academy Session, kaiba an mga estudyante kaini.
Sa pagbisita kan opisyal, pigsaksihan kaini kun papano ipigsabay kan mga Grade 5 learners an Khan Academy application sa saindang Mathematics lesson.
Sa Pilipinas, an Khan Academy an nagtatao nin libreng edukasyon sa paagi kan mga kursong available sa mga estudyante asin paratukdo na padagos na nag-a-update para sa pagkakalado sa presenteng lokal na kurikulum.
Pinagsabay- sabay man kaini an Khanmigo, sarong tutor na pigpapagana kan A.I. sa wikang English asin Filipino na naggagabay sa mga estudyante asin nagtatabang sa mga paratukdo.
Pinasalamatan kan kalihim an academy sa pakikipagtabangan asin sa pagtatao nin mga libreng tool asin personalized learning resources para sa mga Filipino learners.
Nagpromesa man an grupo na tatawaan nin mas dakol an estudyante nin access sa digital learning content para sa kapasidad na mag-adal sa sadiri nindang paagi, sa laog asin luwas kan classroom, pati na man an pagtabang sa mga paratukdo na maggibo nin mga lesson plan para sa mga maogma asin nakaka-encourage na aktibidad.
Hale sa 34 na pilot school, an Khan Academy an igwang 373 partner schools na may 130,503 learners asin 1,515 teacher beneficiaries.
Pigselyuhan kan DepEd asin Khan Academy Philippines an partnership kaini kan Agosto 5, na nagpapatibay sa mga pangenot na kasanayan kan mga Filipino learners sa numeracy asin literacy sa paagi kan Khan Academy online course content.
