Piglalaoman na makawat si DeMarcus “Boogie” Cousins sa Strong Group Athletics kan Pilipinas para sa 34th Dubai International Basketball Championship poon Enero 24 hasta Pebrero 2, 2025.
Segun kay Coach Charles Tiu, seryoso asin determinadong manggagana si Cousins, na may 12 year experience sa NBA asin apat na All-Star selections.
Matapos an saiyang NBA career, nagkawat si Cousins sa manlain-laing international teams, kaiba an Zamboanga Valientes, na tinabangan niyang magkampeon sa The Asian Tournament.
Obheto kan Strong Group na makabawi hale sa saindang pagkadaog sa Al Riyadi sa nakaaging torneo, asin naglalaom sindang makukuwa an enot kampeonato sa Dubai sa tabang ni Cousins.
