LEGAZPI CITY – Dakula an kaugmahan kan Social Security System-Legazpi branch na halangkaw an compliance kan mga employers na nagre-remit sainda kan kontribusyon kan saindang mga empleyado.
Segun ki Susan Malubag, officer-in-charge kan SSS-Legazpi, na alagad may mga nakakasuhan man, diit sana man an mga ini huli sa nagko-comply man an kadaklan sa mga ini.
May mga delinquency man suboot na kaipuhan man liwat singilon ngane makadugang sa pondo para sa pension increase.
Pirmi man suboot sindang nagpapagirumdom sa mga employers na magremit o magbayad sa tamang oras asin dae na paghalaton pa na masingil ngane na maibitaran an pagkakaigwa nin penalidad na nag-aabot sa 3 porsyento kada bulan.
Patotoo kaini, may pigsisingil an ahensya na mas dakula pa an penalty kesa sa principal kun kaya mas nadididfisilan magbayad.
Alagad pigtutugutan man ninda na bayadan muna an principal ngane na dae na madugangan an penalidad.
Sa syudad kan Legazpi, nag-abot sa 16 na employer an presenteng pigdadangog ngunyan sa korte.// Nag-abiso man an opisyal sa mga employees na maging marikmat sa kontribusyon ninda asin ipaaram suboot sa employer na bawasan sinda kan SSS.
Nauugma kaya suboot an ibang employees na dae pigbabawasan alagad an dae suboot aram kan mga ini, mas dakula an nawawara sianda kesa nakukuang benepisyo.
