Nadisganar an kampo ni dating Presidente Rodrigo Roa Duterte makalihis na sayumahan kan International Criminal Court (ICC) an saindang kahagadan na maghanap nin sadiring ebidensiyang medikal.
Segunsa lead counsel na si Atty. Nicholas Kaufman, pigbayolar suboot kan hukuman an nakasanayang proseso huli ta dae sinda natawan tsansa na kwestyunon an mga report kan mga eksperto na pinili kan mga hukom.
Marurumduman na nagpaluwas nin desisyon an ICC na “fit to stand trial” si Duterte.
Huli digdi, ipigtalaan kan ICC an confirmation of charges hearing sa Pebrero 23, 2026 sa The Hague.
An mga kasong pigkakahampang ni dating presidente Duterte an katakod kan suboot mahewasan na pagbayolar sa diretsos humanos sa kampanta kontra iligal na droga.
