Makalihis an duwang semana, nadagdagan pa nin tulo an numero kan mga nagadan sa tuminamang makusog na magnitude 6.9 na linog sa Bogo City, Cebu kan Setyembre 30.
Huli kaini, segun sa National Disaster Risk Reduction and Management Council (NDRRMC), suminakat na sa kabilugang 79 an mga nagadan huli sa mapaminsalang linog.
Uminabot man sa 559 indibidwal an nairehistrong nairido mantang wara man an napabaretang nawawara.
Sa presente, igwang 5,000 katawo an nagtetenir sa 17 evacuation centers mantang an nagkapira man an nagtetenir paramientras sa ibang lugar.
Nagtetenir pa man na nasa irarom kan state of calamity an enterong probinsiya kan Cebu huli sa dakula kan ipigwalat na danyos kan makusog na linog.
