Nagsakat na sa 200 an numero kan mga nagagadan sa maribok na hiro protesta sa nasyun kan Bangladesh.
Kasuodma kan liwat na naman na magkaengkwentro an mga pulis asin nasa 2,000 na ralihista na nagtipun-tipon sa Dhaka.
Binalo kan mga pulis na papundohon an hiro protesta asin paulion an mga nagrarally na kadaklan an mga estudyante.
Alagad imbes magsunod, nagpadagos man giraray sa pagpoprotesta an mga ralihista na nagkukurahaw kan pangapudan na magbaba na sa pwesto si Minister Sheikh Hasina.
Digdi na nagkariribok kan magtapok nin tear gas an mga pulis asin maggamit nin stun grenades asin rubber bullets.
Gadan sa insidente an duwang katawo asin labi sa 100 na iba pa an nalugadan.
Napag-araman na ipigpapangapudan kan mga ralihista na bagohon na an polisiya na nagrereserba kan 30% posisyon sa gobyerno sa mga kaparientes kan war veteran na nakipaglaban sa war of independence kontra sa Pakistan kan taong 1971.
