LEGAZPI CITY – Mantenido an posisyon kan sarong lehislador hale sa Albay sa dae pagsuporta sa pagbabalik kan death penalty o padusang kagadanan.
Ini makalihis na liwat sambiton asin hagadon ni Presidente Rodrigo Duterte sa mga miembro kan Kongreso an liwat na pagbuhay digdi sa ikaapat na State of the Nation Address (SONA).
Sa ekslusibong intrevista kan Bombo Radyo Legazpi ki Albay Cong. Edcel Lagman, nanindugan ining “worst violation of human rights” an liwat na pagsasaley kan death penalty huli ta pagbalgar suboot ini sa natural law.
Patotoo sana suboot na warang nadadarang marhay an padusa sa dakol nang nasyon na nag-abolish sa penalidad.
Sa ibong na lado, direkta man na ipighayag ni ni Lagman na dae ini “satisfied” sa kawaran kan aksyon kan presenteng administrasyon sa trayumpo kan nasyon kontra sa China, sa pag-angkon sa West Philippine Sea.
Kinontra kaini an sinabi kan Presidente na i-enforce an arbitral award sa tamang panahon urog na hudyan na suboot an aksyon kun en caso. Mientras tanto, nagtao man kan saiyang “Kontra SONA” ngonian na hapon an lehislador.
