Sarong bagong kabanata an nagbukas sa historya kan Nepal makalihis manumpa bilang bagong prime minister ang rapper-turned-politician na si Balendra “Balen” Shah.
An 35-anyos na reformist asin an saiyang partidong Rastriya Swatantra Party (RSP) an nagrehistro nin landslide victory sa nakalihis na eleksiyon — an enot na eleksiyon makalihis an madugong anti-corruption protests na nagpatalsik sa dating gobyerno kan nakalihis na taon.
Sa tahaw kan hiyawan asin suporta kan saiyang mga tagasunod, nanumpa si Shah na sulot an saiyang trademark na itom na outfit asin dark sunglasses.
Sarong aldaw bago an saiyang panunumpa, binasag ni Shah an saiyang pananahimik sa paagi nin sarong rap song na iniluwas sa social media.
Sa nasabing kanta na nagguno na nin haros 3 million views, tinawan-doon niya an pagkasararo asin an saiyang dedikasyon sa pagbabago.
An pagkaggana nin Shah an ipigkonsiderar na trayumpo kan mag kajovenesan makalihis an youth uprising kun sain dae mababa sa 77 katawo an binawian nin buhay.
Nagpuon an hiro-protesta huli sa ban sa social media alagad kalaunan an nagin mahiwasang pangapudan laban sa korapsyon asin katiosan.
Dinaog ni Shah ang beteranong Marxist leader asin at four-time prime minister na si KP Sharma Oli sa sadiri kaining balwarte.
Kasabay kan paghali sa pwesto kan interim prime minister na si Sushila Karki, tinawan-doon kaini an paglaom sa bagong henerasyon kan mga lideres.
