Inako ni dating Philippine Charity Sweepstakes Office General Manager asin Retired PCol. Royina Garma na minsan na siyang nakaresibe nin pabuya sa irarom kan reward system kan war on drugs sa irarom kan administrasyon ni dating Presidente Rodrigo Duterte.
Basado sa isinumiter na affidavit ni Garma, sinabi kaini na an pabuya an naresibe makalihis an matrayumpong operasyon sa irarom kan madugong drug war
Pag-istorya kaini na duwang bes siyang nakaresibe nin pabuya kan may magadan sa ikinasang anti-ilegal drug operations.
Maabot suboot sa P20,000 an naresibe niya.
Paliwanag ni Garma na an pabuya an nakadepende sa drug personalities na magagadan sa operasyon na posible pang umabot sa P1 million.
Kun marurumduman, pigtataram na rinibo an mga binawian nin buhay sa irarom kan nasabing kampanya kan nakalihis na administrasyong Duterte.
