Nagpahayag nin kahandaan si dating Presidente Rodrigo Duterte na mag-atendir kunliwat na ipapaapod kan Quad Committee kan House of Representatives.
Ini an sa kondisyon na sisimbagon kan mga lehislador an saiyang pamasahe pasiring sa Kamara.
Nagtutubod man an dating presidente na aarugon ini kan saiyang aki na si Vice President Sara Duterte na mag-atendir man sa pagdangog dapit sa kuwestiyonableng pondo kan saiyang opisina.
Marurumduman na ipigtalaan sa Nobyembre 21 an masunod na pagdangog kan Quad Committee dapit sa drug war kan nakalihis na administrasyon.
