Preparado suboot si dating Presidente Rodrigo Duterte na mag-atendir sa Quad Committee kan Kamara de Representantes.
Segun sa dating presidente na preparado siyang magtaram sa pagdangog kan komiter kun imbitaran kan komite.
Alagad komento kaini na hagad niya na maghapot an mga lehislador kan mga ‘educated questions’ enkasong mag-atendir siya.
Dugang pa ni Duterte na bukas man siya sa isasagibong imbestigasyon kan Quad Comm katakod kan suboot papel niya sa pananambang kaito ki dating Philippine Charity Sweepstakes Office Secretary Wesley Barayuga.
Kampante man an dating presidente sa pag-usad kan judicial process kun igwang mga ebidensya na ipinaluwas kontra saiya asin ipi-presentar an mga ini sa mga korte.
Direkta man na sinimbag ni dating presidente Duterte an suboot koneksyon niya sa pagadan sa tulong Chinese drug lord na nasa laog kan Davao Prisons and Penal Farm asin sinabing siya an nagsugo sa pagpapagadan sainda.
