Naarestar an sarong 35-anyos na dating supervisor kan sarong gasolinahan sa Maynila makalihis suboot ining mangulimbat nin maabot sa P57 million na kita kan kompanya.
Segun sa Manila Police District (MPD), naarestar an akusado sa hampang kan condominium sa Parañaque City kan Martes, Marso 31.
Pinagtutubudan na pineke kaii an mga deposit slip kan ganansya kan gasolinahan ngani na itago an aktwal na kita.
“Ang ginagawa niya raw ay pina-falsify niya ’yong nire-remit niyang pera. Halimbawa, kung kumita ang gasolinahan ng 800,000 pesos, ang binibigay niya lang ay 200,000. Binabawas niya hanggang sa pumatong nang pumatong, umabot sa P57 million,” segun ki PMAJ Jake Serrano Arcilla, hepe kan Warrant and Subpoena Section-MPD.
Nagpuon suboot an akusado sa nasabing gasolinahan kan Marso 2024 sa irarom kan sarong manpower agency.
Kan Marso 2025, nadiskubre kan agency an saiyang iligal na aktibidad kan masirip kan roving auditor an mga deposit slip.
Segun sa Human Resource officer kan agency na dae na nag-report sa opisina an suspek ngani na magpaliwanag.
Narisa man suboot an biglaan na pagyaman kan akusado.
Naisunad na sa suspek an 96 counts nin qualified theft, na posible pang madugangan.
