Nagpagirumdom an Daraga Public Safety Office sa publiko manungod sa mga insidente nin panghahabon na nangyari sa saindang banwaan.
Segun kay Daraga PSO spokesperson Lorenzo Bañas sa intrevista kan Bombo Radyo Legazpi na naglalatawan na naman ngunyan an mga kawatan partikular na sa mga saudan.
Pigtaram man kaini na pigpipili kan mga kawatan an mga may edad na nganing makapanalisi asin sinda na suboot an pigbabantayan kan mga ini.
Nagpagirumdom ini na magin vigilante sa palibot nganing maibitaran an mga siring kaining insidente.
Aabisuhan man ni Bañas an saindang personel na doblehon an pag-ronda sa mga pampublikong saudan sa banwaan nganing masyerto an seguridad an mga parabakal antes paratinda.
Sa ibong kaini, wara pa man suboot na naitatalang insidente nin panghahabon sa mga night market sa banwaan kan Daraga.
