LEGAZPI CITY – Ipig-oorgolyo kan Daraga Municipal Police Station sa saindang pagkakagana bilang 2nd runner up sa isinagibong Search for Best Practices on Community and Service-Oriented Policing (CSOP) system.
Segun ki Daraga Municipal Police Station Chief of Police Police Lieutenant Colonel Edgar Azotea sa intrevista kan Bombo Radyo Legazpi na labi an saindang pasasalamat sa Albay Police Provincial Office asin National Police Commission (NAPOLCOM) huli ta nahiling ninda an piggigibo kan saindang hepatura na mga inisyatibo ngan ing mamantenir an pazy orden sa bilog na banwaan.
Pag-istorya niya man na saro man sa saindang inisyatibo an proyektong “Knights of the Night” na naisakatupadan ninda huli sa pagtatarabangan sa manlain-laing ahensya kan gobierno asin iba pang stakeholders arug kan barangay peace-keeping action team.
Huli sa saindang pakikipagtabangan sa mga barangay tanod asin public safety office an napupugulan an mga ka-jovenesan asin iba pang elemento sa paggibo nin maraot na makaka-apektar sa saindang namamanwaan.
Pagdoon man kan opisyal na nagin lyabi man sa trayumpo an suporta kan lokal na gobierno kan Daraga huli ta dae ninda maisasakatupadan an saindang inisyatibo kun wara an saindang suporta nganing mamantenir an pazy orden.
Sa paagi man kan saindang trayumpo an napapakusog man kaini an moral kan saindang kapulisan kun kaya mas lalo sindang piggaganahan na magserbi nin matanos huli ta natatawan ini nin recognition.
Ipighayag man ni Azotean na sa tabang man kan proyektong “Knights of the Night” an igwa na sinda nin masunod na inisyatibo kun sain masasakop kaini an mga hararayong barangay kan banwaan.
 system.){kind=link}