LEGAZPI CITY- Magkakaigwa nin bomb simulation exercise an banwaan kan Daraga atyan na alas-9 nin pagkaaga.
Katakod kaini, magkakaigwa nin road closure sa T-Perez St na posibleng maka apektar sa bulos kan trapiko.
Sinabi ni Daraga Public Safety Office spokesperson Lorenzo Bañas sa intrevista kan Bombo Radyo Legazpi na magkakaigwa muna nin lecture antes an mismong simulation ngani na maipaliwanag an mga kinakaipuhan na gibuhon enkasong magkaigwa nin dae pinaglalaoman na bomb incident.
Partikular na tututukan kun papano mako-kontrol an crowd durante kan insidente ngani na dae na makadugang pa sa pigkakahaditan na casualty sa panahon kan emerhensya.
Katabang kan lokal na gobierno an pwersa kan Philippine National Police asin Explosive Ordnance Disposal.
Sinabi man kan opisyal na magigin minimal man sana an road closure kaya dae man mapaparalisa an biyahe kan mga behikulo.
