Sinierto kan Department of Agriculture na magigin stable man liwat an suplay kan bagas sa nacion maski pa durante kan lean season.
Ini an kasunod kan bastanteng suplay durante kan panahon kan anihan.
Segun sa ahensya na an nacion an igwang bastanteng inventory hasta sa masunod na panahon kan anihan.
Napag-araman na pinaglalaoman man kan ahensya na maaabot an target na 20.4 million metric tons na ani hasta sa pagtatapos kan taon.
Marurumduman na basado sa datos, an nacion an igwang 2.34 million metric tons na stocks nin bagas kan Abril.
Nasa 26.2 % na mas halangkaw ini sa 1.86 million metric tons kan nakalihis na taon.
