Target kan Department of Agriculture na magtindog nin P3 billion na kantidad nin cold storage facility sa nacion para sa mga gulay asin high value crops.
Segun ki Agriculture Secretary Francisco Tiu Laurel Jr. na dakulang tabang ini ngani na mapalawig an buhay kan mga gulay, prutas asin mga high value crops.
Nagturubod an opisyal na magigibo man kaini na magin stable an suplay asin presyo.
An planong cold storage facility an magana sa paagi nin kuryente hali sa renewable energy sources urog na an refrigerated warehouse.
Pinag-aantisiparan kan ahensya na mabibilog an nasabing pasilidad ngunyan na taon.
Parte an proyekto kan komprehensibong logistics master plan kan ahensya hali sa Agriculture and Fisheries Logistics Office.
