Pinag-aadalan kan Department of Agriculture (DA) an pagtanggal sa mga ‘premium’ asin ‘special’ label nganing maibitaran an pagkalibong kan mga parabakal asin mapugulan an bako makatarungang paglangkaw kan presyo.
Bilang tugon, nagsagibo nin mga pag-iinspeksyon sa mga merkado an DA asin napag-araman na an pirang imported na bagas ay ibinebenta sa mas halangkaw na presyo nin huli sa mga label kaini.
Segun sa tagapagtaram kan DA na si Assistant Secretary Arnel De Mesa, an mga label na “premium” asin “special” an nagkakawsa nin salang impresyon sa kalidad asin presyo kan bigas.
Plano kan ahensya na makipagkonsultasyon sa mga wholesaler asin retailer nganing maipaotob an pagbabagong ini nin matanos.
Sa ibong kaini, pigtaram ni De Mesa na mapaluwas nin opisyal na pahayag an kalihim kan agrikultura sa mga masunod na aldaw linawon an mga detalye kan naunambitang plano.
