Nangapodan si Philippine National Police (PNP) Chief PGen. Nicolas Torre III nin pagkasararo hale sa mga tagasuporta ni dating presidente Rodrigo Duterte.
Ini makalihis na maglakop an mga retrato asin video kan mga kaso asin isyu na nangyari sa panahon kan administrasyon ni Duterte na ginagamit ngonian bilang kritisismo sa presenteng liderato.
Segun sa hepe, isasantabi sa ngonian an mga iriwal asin pagkakaiba huli ta sabi niya parareho man sana kitang mga Pilipino asin mas marhay na magkasararo na sana para sa karahayan kan nasyon.
Ipapaubaya na man suboot sa International Criminal Court (ICC) an proseso kan paglilitis sa dating presidente sa ngaran kan pantay asin tunay na ley.
Sinabi ni Torre na sa prosesong ini, mas may kaaraman an ICC sa paglilitis sa basado sa mga ebidensyang iprinesentar kan depensa siring man kan piskalya.
Dae man dapat paglingawan na an mga nagreklamo asin mismong nagrani sa nasabing korte an mismong mga Pilipino man na wara suboot na maranihan asin nawaran nin paglaom para sa hustisya kan panahon kan kampaniya kontra droga kan nakalihis na administrasyong Duterte.
Mientrastanto, liwat na nanindugan an hepe na dae dapat gamiton bilang paagi nin pagtuyaw sa presenteng liderato an mga nakaaging isyu.
Sinabi man kaini na dae na uso an shortcut sa gabos na imbestigasyon, kun kaya an mga supporters kan dating presidente magpundo na sa pagreklamo asin lugod magkooperar na sa paggibo kan Pilipinas na magin mas maray asin mas organisado.
 Chief PGen. Nicolas Torre III of unity from supporters of former president Rodrigo Duterte.){kind=link}