LEGAZPI CITY – Nagsakat sa labi 400 an panibagong nagpositibo sa COVID-19 sa Bicol.
Sa latest data na ibinaba kan Department of Health Center for Health and Development Bicol, 429 an mga bagong kaso kun kaya nagsakat naman sa 25,983 an kabilugang tinamaan kan deadly virus sa rehiyon.
Kaibanan sa mga bagong kaso an 35 na hale sa Albay kun sain 15 an sa ciudad kan Ligao, lima sa Daraga, tulo sa Bacacay, tulo sa ciudad kan Legazpi, tulo sa Malinao, duwa sa Pioduran, duwa sa Sto. Domingo, saro sa Polangui asin saro sa ciudad kan Tabaco.
Igwa man na 79 na nadugang sa mga kaso sa Camarines Norte, 120 sa Camarines Sur, 17 sa Catanduanes, 132 sa Masbate asin 41 sa Sorsogon.
May 116 man na new recoveries kaya nasa 20,392 na an kabilugang datos.
Wara man na nadugang sa death toll na 951 na sa presente.
