LEGAZPI CITY – Buminadol na sa 3,487 an kabilugang numero kan mga nagpositibo sa COVID-19 sa Bicol.
Sa datos kan Department of Health (DOH) Bicol, 50 an panibagong kaso na nairehistro.
Mientras tanto, nagsakat na man sa 2, 907 an total recoveries mantang 147 na an death toll sa rehiyon sa COVID-19.
Napag-araman na hali sa ciudad kan Legazpi an lima sa mga panibagong kaso, saro sa Camarines Norte, anom sa Camarines Sur, saro sa ciudad kan Sorsogon asin pinakadakol sa Masbate na may 35 kaibanan na an 23 sa Mandaon, pito sa Aroroy, duwa sa Placer, saro sa Baleno asin duwa sa capital city.
Afuera sa mga nasabing kaso igwang saro na nagpositibo sa COVID-19 na residente kan ciudad kan Bacolod asin saro sa Dumangas, Cebu.
