LEGAZPI CITY — Dae na nagibo pang makapanlaban kan sarong Community Development Officer sa banwaan kan Caramoran, Catanduanes makalihis na mabiktima nin robbery/hold up.
Binisto an biktimang si Ryan Romero, 27-anyos.
Susog sa inisyal na imbestigasyon kan kapulisan, lunad kan motorsiklo si Romero alagad sa pag-abot kaini sa Brgy. Sabloyon sa nasabing banwaan, sarong armadong lalaki an nag-ulang sa agihan sabay-tutok kan darang badil.
Kinua kan suspek sa nabiglang biktima an backpack na laog an nasa poco mas o menos P150,000.00 cash.
Natatahuban suboot nin T-shirt an pandok kaini kaya dae man nabisto kan biktima.
Sa presente, nagkokondusir na nin follow-up investigation an Caramoran Municipal Police para sa pagkaka-aprehender sa nasabing suspek.
